Raul mbetet jashtë Euro 2008 -

Sulmuesi i Real Madridit, Raul Gonzalez, nuk do të udhëtojë me skuadrën e Spanjës për në Kampionatin Evropian 2008, pasi që është jashtë nga lista e 31 lojtarëve të cilët janë thirrur për vaksinim para se të nisen për në turne.

Trajneri i Spanjës, Luis Aragones, ka qenë i detyruar t’i emërtojnë një grumbull lojtarësh nga të cilët do të krijohet përfaqësuesja e Spanjës në maj, pasi që UEFA ka urdhëruar që lojtarët e secilës kombëtare duhet të vaksinohen kundër encefalitit.

Mungesa e emrit të Raulit në listën e Aragonesit nuk është diçka e papritur, pasi që sulmuesi i Realit është jashtë skuadrës përfaqësuese që nga shtatori i vitit 2006. Aragones ka vendosur që t’i favorizojë lojtarët të cilët i ka provuar vetëm njëherë, siç janë Bojan Krkic nga Barca, Andres Palop nga Sevilla dhe dyshen e Getafes, Ruben De la Red dhe Pablo Hernandez.

Mospërfshirja e Raulit do të nxisë polemika të mëdha në Spanjë, sidomos nga fansat dhe mbështetësit e tij, të cilët vazhdimisht kanë kërkuar të jetë pjesë e kombëtares duke shpresuar se ndonjëri nga sulmuesit tjerë do ta humb vendin. Megjithatë përpilimi i kësaj liste i jep fund çdo shprese, pasi që edhe nëse lëndohet ndonjëri nga sulmuesit, ai do të zëvendësohet nga njëri prej këtyre 31 lojtarëve që figurojnë në listë.

31 lojtarët e thirrur për vaksinim janë:

Real Madrid - Iker Casillas, Sergio Ramos
Barcelona - Andres Iniesta, Xavi, Carles Puyol, Bojan Krkic
Real Mallorca - Daniel Güiza, Fernando Navarro
Arsenal - Cesc Fabregas
Liverpool - Pepe Reina, Alvaro Arbeloa, Xabi Alonso, Fernando Torres
Getafe - Ruben De la Red, Pablo Hernandez
Sevilla - Andres Palop
Real Betis - Juanito
Valencia - Carlos Marchena, Joaquin, David Villa, David Silva, David Albelda,
Atletico de Madrid - Pablo Ibañez, Mariano Pernia, Antonio Lopez
Villarreal - Marcos Senna, Angel, Joan Capdevilla
Espanyol - Raúl Tamudo, Luis Garcaa, Albert Riera/telegrafi/